వనపర్తి, వెలుగు: ఈ నెల 21న వనపర్తికి సీఎం రేవంత్రెడ్డి రానున్నట్లు ఎమ్మెల్యే తూడి మేఘారెడ్డి తెలిపారు. శుక్రవారం ఎమ్మెల్యే క్యాంప్ ఆఫీస్లో మీడియాతో మాట్లాడారు. జిల్లాకేంద్రంలో హాస్పిటల్ నిర్మాణానికి టెక్నికల్ శాంక్షన్ వచ్చిందని, సీఎం శంకుస్థాపనచేస్తారని తెలిపారు. నియోజకవర్గంలో 200 ఎల్వోసీలు,2,400 సీఎంఆర్ఎఫ్ చెక్కులు, 1,100 కల్యాణలక్ష్మి, షాదీముబారక్ చెక్కులు ఇచ్చామని తెలిపారు. గత ప్రభుత్వంలోని ప్రజాప్రతినిధుల మాదిరిగా కాకుండా తాను నియోజకవర్గ ప్రజలకు అందుబాటులో ఉంటూ సమస్యలు పరిష్కరిస్తున్నానని చెప్పారు.
జిల్లాలో రోడ్ వైడెనింగ్, మెడికల్ కాలేజీ కాంట్రాక్టర్లకు రూ.280 కోట్ల డ్యూస్ ఉంటే వారికి బిల్లులు ఇప్పించామన్నారు. టీఎఫ్ఐఎస్డీసీ కింద రూ.50 కోట్లు ఇస్తామని గత నేతలు చెప్పి ఇవ్వలేదన్నారు. తాను ఎమ్మెల్యే అయ్యాక రూ.35 కోట్లు సీసీ రోడ్లకు ఇస్తున్నామని, ఎస్సీ, ఎస్టీ హ్యాబిటేషన్లకు రూ.10 కోట్లు వస్తున్నాయని తెలిపారు. మున్సిపల్ చైర్మన్ పి.మహేశ్, చీర్ల చందర్, కౌన్సిలర్లు వెంకటేశ్, సత్యం పాల్గొన్నారు.
